Afrika

Afrika

Somali piratları son iki gündə fəallaşıb

30 mart 2010 04:19 (UTC +04:00)

Bakı-APA. Dünya ictimaiyyətinin cəhdlərinə baxmayaraq Somali sahillərində piratçılıq hələ də mülki gəmilər üçün ciddi təhlükə kəsb edir. Bunu son iki gün ərzində quldurlar tərəfindən 10 gəminin əsir götürülməsi barədə KİV-də yayılan məlumatlar sübut edir.

Qeyd edək ki, dəniz quldurları öz fəaliyyətini kəskin fəallaşdıraraq oğurlanmış gəmilərin “keyfiyyəti”nə deyil, kəmiyyətinə üstünlük verməyi qərara alıblar.
APA-nın İTAR-TASS agentliyinə istinadən verdiyi xəbərə görə, Hind okeanında və Ədən körfəzində vəziyyətin monitorinqi ilə məşğul olan və Nayrobidə fəaliyyət göstərən “EKOTERRA İnternational” şirkəti bu gün “Aysberq” yük gəmisinin göyərtəsindəki 24 nəfər heyət üzvü ilə birlikdə martın 29-da əsir alındığı barədə məlumat yayıb. Hadisə Ədən limanından 10 mil aralıda baş verib. Məlumata görə, hazırda “Aysberq” gəmisi Somali sahillərinə istiqamətlənib.

Şərqi Afrikada Dənizçilərə Dəstək Proqramının rəhbəri Endrü Mvanqura bildirib ki, “gəmi Panama bayrağı altında üzür və BƏƏ-yə istiqamətlənib, gəminin bortundakı dənizçilər isə Qana, Pakistan, Hindistan, Sudan və Yəmən vətəndaşlarıdır.

Bu arada Seyşel adalarının prezident ofisinin mətbuat üçün açıqlamasında deyilir ki, xüsusi əməliyyatlar zamanı sahilin 90 milliyində əsir alınan “Qalete” balıqçılıq gəmisindən altı dənizçi və İran turist gəmisindən 21 nəfər olmaqla 27 nəfər dəniz quldurlarının əsirliyindən əsirliyindən azad edilib. Hadisəinin digər təfərrüatları hələ ki, məlum deyil.

Seyşel adalarının sahil mühafizəsinin xüsusi nümayəndəsi Mohammed Ömər deyib ki, son iki gün ərzində yeddi kiçik gəmi əsir alınıb. “Gəmilərdə sənaye əhəmiyyətli mallar daşınırdı”, - deyə o qeyd edib.

«Ən maraqlısı odur ki, Somali piratları artıq keyfiyyətə əhəmiyyət verməyərək, onu kəmiyyətlə kompensasiya etmək qərarına gəliblər. Son iki gün ərzində yeddi gəmi əsir düşüb”, - deyə Ömər bildirib.

Qeyd edək ki, bir qayda olaraq dəniz quldurları gəmiləri əvəzində böyük məbləğdə pul alanadək əllərində saxlayırlar.