Afrika

Ana səhifə

Afrika

Məhəmməd əl-Baradei Hüsnü Mübarəki istefa verməyə çağırıb, ordu və polis arasında atışma başlayıb - YENİLƏNİB

Məhəmməd əl-Baradei Hüsnü Mübarəki istefa verməyə çağırıb, ordu və polis arasında atışma başlayıb - <font color=red>YENİLƏNİB</font>

29 yanvar 2011 15:17 (UTC +04:00)

APA-nın “Reuters”ə istinadən xəbərinə görə, binanı mühafizə edən polis kütləyə atəş açıb.

Bundan sonra nümayişçiləri qorumaq istəyən əsgərlər və polis arasında atışma başlayıb. Hazırda atışma davam edir, ordu DİN-in binasını ələ keçirməyə çalışır.

Hakim Hüsnü Mübarək rejiminin simvolu sayılan DİN binası xalq tərəfindən “işgəncə evi” adlandırılır. Nümayişçilər hökumətinin istefasının yetərli olmadığını, prezident Mübarəkin istefa verməli olduğunu bildirirlər.

Misir müxalifətinin lideri, Beynəlxalq Atom Enerjisi Təşkilatının sabiq rəhbəri Məhəmməd əl-Baradei də Hüsnü Mübarəki istefa verməyə və hakimiyyətin təhvil verilməsi üzrə planı razılaşdırmağa çağırıb. O, “əl-Cəzirə” telekanalına telefonla müsahibəsində bildirib ki, yalnız prezidentin istefası ölkədəki iğtişaşlara son qoya bilər: “Mübarəkin sistemi Misir xalqının siyasi, iqtisadi və sosial tələblərinə cavab verə bilmədi. Biz azadlıq, demokratiya və sosial ədalətə əsaslanan yeni Misir qurmaq istəyirik”.

Misirin dini liderlərindən Yusif əl-Karadavi Mübarək rejiminin iflasa uğradığını bildirərək, xalqı dövlət qurumlarına zərər verməməyə çağırıb. Hakim Milli-Demokrat Partiyasının liderlərindən olan Əhməd Əziz isə partiya sıralarından istefa verdiyini bəyan edib. Maraqlıdır ki, onun istefa qərarı dövlət televiziyasından elan olunub.