Sudan hökumətinin gizli kimyəvi silah ehtiyatlarına malik ola biləcəyi iddia olunur.
Bu barədə “The Washington Post” (WP) nəşrin əldə etdiyi sənədlərə və videogörüntülərə istinadən yazıb.
Nəşrin iddiasına görə, Sudan hakimiyyəti suyun təmizlənməsi üçün nəzərdə tutulan xlor partiyalarının bir hissəsini hərbi məqsədlərə yönəldib, hərbi bazalarda döyüş başlıqlarının istehsalını gizlədib, ucqar səhra ərazilərində bombaların sınaqlarını həyata keçirib və bu cür silahların istifadə oluna biləcəyi hədəflərin siyahısını hazırlayıb.
WP bildirir ki, Sudan hakimiyyətində kimyəvi silahların mövcudluğuna dəlalət etdiyi iddia edilən materialları nəşrə Yaxın Şərq ölkələrindən birinin təhlükəsizlik xidmətinin nümayəndəsi təqdim edib. Həmin şəxsin isə materialları Sudandakı mənbədən əldə etdiyi bildirilir.
Bununla belə, “The Washington Post” sənədlərin Sudan hökumətinin iddia edilən kimyəvi silah ehtiyatları ilə sonradan necə davrandığı barədə qəti nəticəyə gəlməyə imkan vermədiyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
