Bakı. Pərviz Nuriyev – APA-Economics. 04 iyun 2014-cü il tarixində Bakı Fond Birjasında (BFB) Azərbaycan İpoteka Fondunun (AİF) faizli adlı sənədsiz təmin edilmiş istiqrazlarının yerləşdirilməsi üzrə növbəti hərrac keçiriləcək.
Fonddan “APA-Economics”ə verilən məlumata görə, hərraca 5 mln. manat həcmində istiqraz çıxarılacaq. Emissiya prospektinə əsasən, yerləşdirmə kütləvi təklif üsulu ilə BFB vasitəsi ilə keçiriləcək. İstiqrazlar 100.9417% qiymətlə satışa çıxarılacaq.
İstiqrazların ödənmə tarixi – 21 dekabr 2023-cü ildir. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcək.
İstiqrazların ilkin yerləşdirilməsində iştirak edən təşkilat kimi Azərbaycan Mərkəzi Bankı iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
