Bakı. Aynur Əliyeva – APA-Economics. Bu gün Azərbaycanın bir neçə rayonunda qazın təchizatında məhdudiyyətlər olacaq.
“Azəriqaz” İB-nin İctimaiyyətlə əlaqələr şöbəsindən “APA-Economics”ə verilən məlumata görə, saat 12:00-dək Yevlax rayonunun bir hissəsinə, saat 13:00-dan 15:00-dək Bərdə və Bakının Sabunçu rayonlarının bir hissəsinə, saat 15:00-dan 17:00-dək Xəzər rayonunun bir hissəsinə, saat 16:00-dan 18:00-dək Ağdam rayonunun bir hissəsinə, həmçinin həyətyanı sahələrdən küçələrə çıxarılmış qaz xətlərinin mövcud mənbəyə qoşulması ilə əlaqədar saat 13:00-dək Nərimanov rayonunun bir hissəsinə, qazpaylayıcı stansiyada təmir işlərinin aparılması və “Qaraçuxur” magistral qaz xətti üzərində yeni qaz ölçü qovşağının quraşdırılması ilə əlaqədar saat 17:00-dək Hacıqabul və Suraxanı rayonlarının bir hissəsinə, qaz nəqli sistemində təmir işləri, siyirtmələrin dəyişdirilməsi və "Şəmkir SES (Kür qəsəbəsi)" ölçü qovşağında baypas xəttinin quraşdırılması ilə əlaqədar saat 18:00-dək Qazax və Şəmkir rayonlarının bir hissəsinə, "Zərdab" qaz ölçü qovşağından qidalanan qaz xətlərinin yeni quraşdırılacaq kollektora birləşdirilməsi ilə əlaqədar saat 20:00-dək Zərdab rayonunun bir hissəsinə, Nizami rayonu ərazisində aparılan təmir-bərpa işləri ilə əlaqədar isə işlər başa çatanadək Nizami rayonunun bir hissəsinə təbii qazın verilişində fasilələr yaranacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
