Hadisə

Ana səhifə

Hadisə

Cəlilabadda zəncirvari qəzada 3 nəfər yaralanıb - VİDEO

Cəlilabadda zəncirvari qəzada 3 nəfər yaralanıb - <span style="color: red;">VİDEO

19 yanvar 2014 16:10 (UTC +04:00)

APA-nın cənub bürosunun məlumatına görə, hadisə yanvarın 19-da günorta saatlarında Ələt-Astara magistralının Cəlilabad şəhərindən keçən hissəsində qeydə alınıb.

Rayonun Uzuntəpə kənd sakini Famil Əlifağa oğlu Ağayev idarə etdiyi “VAZ-2107” markalı minik avtomobili ilə hərəkətdə olarkən idarəetməni itirərək əks istiqamətdən gələn, həmyerlisi Zəkəriyyə Ağayevin idarə etdiyi “Mercedes” markalı avtomobillə toqquşub.

Toqquşmadan sonra “VAZ-2107” digər Cəlilabad rayon sakini Vüsal Nağıyevin idarə etdiyi eyni markalı avtomobilə çırpılıb. Nəticədə hər 3 avtomobilə ciddi ziyan dəyib, eləcə də sürücülər müxtəlif dərəcəli bədən xəsarətləri ilə Cəlilabad Mərkəzi Rayon Xəstəxanasına yerləşdirilib.

Faktla bağlı Daxili İşlər Nazirliyinin Baş Dövlət Yol Polisi İdarəsinin istintaq və təhqiqat şöbəsində araşdırma aparılır.