Bakı. Fərid Mirzəyev – APA. Azərbaycan Prezidenti yanında Dövlət Qulluğu Məsələləri üzrə Komissiya dövlət orqanlarında vakant dövlət qulluğu vəzifələrinin tutulması üçün ümumi müsahibə elan edib.
Komissiyadan APA-ya verilən xəbərə görə, ümumi müsahibəyə çıxarılmış vakant vəzifələrin sayı 7, vakant yerlərin sayı 8-dir.
3 vəzifə üzrə 3 yer Maliyyə Nazirliyinin Dövlət Maliyyə Nəzarəti Xidməti, 2 vəzifə üzrə 3 yer Standartlaşdırma, Metrologiya və Patent üzrə Dövlət Komitəsi, 1 vəzifə üzrə 1 yer Sumqayıt Apellyasiya Məhkəməsi və 1 vəzifə üzrə 1 yer isə Bakı Ağır Cinayətlər Məhkəməsi tərəfindən ümumi müsahibəyə çıxarılıb.
Məlumatda bildirilir ki, ümumi müsahibədə iştirak etmək istəyən vətəndaşlar sənədlərini iyulun 10-dan 29 iyul saat 18.00-dək Dövlət Qulluğu Məsələləri üzrə Komissiyasına təqdim etməlidirlər.
Müraciət forması şəxsən (bazar ertəsi – cümə günləri saat 09-dan saat 12.30-dək və 14-dən 17.30-dək) və yaxud poçt vasitəsilə kağız daşıyıcılarla təqdim edilə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
