Bakı-APA. “Facebook” sosial şəbəkəsi Rusiyaya birləşdirilən Krım əleyhinə tətbiq edilən sanksiyalara qoşularaq, yarımadadakı istifadəçilərin reklam akkauntlarını bloklayıb. APA-nın “RİA Novosti”yə istinadən verdiyi xəbərə görə, bu barədə Krımın “baş naziri” Ruslan Balbek bildirib.
Onun sözlərinə görə, sanksiyalar iyunun 1-dən tətbiq edilməyə başlayıb.
“Biz “Facebook”un qərb siyasətçilərin qərarlarına dəstək verməsinə təəssüf edirik. Bu tamamilə boş bir aksiyadır, bunun Krım müəssisələrinə heç bir mənfi təsiri olmayacaq”, -deyə Balbek bildirib.
Krımın “baş naziri” “Facebook”un bu qərarının yalnız siyasi məna daşıdığını bildirib.
“Facebook”dan başqa “Instagram” sosial şəbəkəsinin də Krıma qarşı analoji sanksiyalar tətbiq etdiyi bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
