Bakı. Fərid Mirzəyev – APA. Türkiyə Silahlı Qüvvələrinin Baş Qərargahı son 24 saat ərzində ölkədə terrorçulara qarşı həyata keçirilən əməliyyatlarla bağlı rəsmi açıqlama yayıb.
APA-nın “Milliyət” qəzetinə istinadən verdiyi xəbərə görə, açıqlamada bildirilib ki, həyata keçirilən hava hücumları nəticəsində 13 PKK terrorçusu öldürülüb.
Açıqlamada deyilib ki, Vanda həyata keçirilən əməliyyat vaxtı PKK terror təşkilatına məxsus bir ədəd RPG-7 qumbaraatan, bir ədəd ov tüfəngi, bir ədəd “Kalaşnikov” avtomatı ələ keçirilib.
Eyni zamanda Hakkaridə terrorçular tərəfindən magistral yola yerləşdirilmiş mina zərərsizləşdirilib.
Siirtdə isə terrorçulara kömək etməkdə şübhəli bilinən 3 nəfər şəxs saxlanılıb.
Ağrıda təşkil olunan əməliyyatda bir nəfər PKK terrorçusu tutulub.
Qeyd edək ki, əməliyyatlar Hakkari, Şırnak, Van, Siirt və Ağrı vilayətlərində həyata keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
