Hadisə

Ana səhifə

Hadisə

Bakıda 27 yaşlı gəncə 7 bıçaq zərbəsi vurulub - VİDEO

Bakıda 27 yaşlı gəncə 7 bıçaq zərbəsi vurulub - <span style="color: red;">VİDEO

01 oktyabr 2015 02:34 (UTC +04:00)

Bakı. Mahir Məmmədli-APA. Bakının Xətai rayonunda bıçaqlanma hadisəsi baş verib.

APA-nın məlumatına görə, Babək prospekti 78 ünvanında 27 yaşlı Təvəkkül Tanrıverdiyevin tanışı ilə mübahisəsi düşüb. Mübahisə əlbəyaxa davaya çevrilib. Dava zamanı Təvəkkül Tanrıverdiyev tərəfindən döyüldüyünü görən şəxs əlinin bıçağa atıb. O, Təvəkkülə kürək nahiyyəsindən altı, ayağından isə bir zərbə endirib, daha sonra hadisə yerindən qaçıb. Yaralı tanışları tərəfindən xəstəxanaya aparılıb. T.Tanrıverdiyev dərhal əməliyyat olunub.

Xəstəxanadan hadisə barədə ərazi üzrə Xətai Rayon Polis İdarəsinin 34-cü Polis Bölməsinə məlumat verilib. Bölmədən hadisəni törədən şəxsin axtarışlarının davam etdiyi bildirilib. Faktla əlaqədar cinayət işi başlanıb.