Bakı. Aqşin Rafiqoğlu – APA-Economics. Bu ilin iyun ayında Azərbaycanda nəqliyyat sektorunda yükdaşıma tarifləri 0,1% ucuzlaşıb, sərnişindaşıma tarifləri isə 1,3% bahalaşıb.
Dövlət Statistika Komitəsindən “APA-Economics”ə verilən məlumata görə, hava nəqliyyatında MDB ölkələri üzrə sərnişindaşıma tarifləri 7,1%, digər xarici ölkələr üzrə 4,1% bahalaşmış, yükdaşıma tarifləri üzrə isə heç bir dəyişiklik müşahidə olunmayıb.
Ay ərzində dəmir yolu nəqliyyatında MDB ölkələri üzrə sərnişindaşıma tarifləri 11,7% bahalaşıb, yükdaşıma tarifləri isə sabit qalıb.
Dəniz nəqliyyatında MDB və digər xarici ölkələr üzrə yükdaşıma tarifləri müvafiq olaraq 1,4% və 1,1% ucuzlaşıb, sərnişindaşıma tarifləri isə sabit qalıb.
İyun ayında boru kəməri vasitəsilə qazın nəql olunma tarifi 0,1% ucuzlaşıb, neftin nəql olunma tarifi isə sabit qalıb. Avtomobil nəqliyyatında yükdaşıma və sərnişindaşıma tarifləri üzrə isə heç bir dəyişiklik müşahidə olunmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
