Bakı. Etibar Məmmədov – APA. “Qəzza səfəri təxirə salınmayacaq”. APA-nın məlumatına görə, bunu Türkiyənin baş naziri Rəcəb Tayyib Ərdoğan ABŞ dövlət katibi Con Kerrinin çağırışına münasibət bildirərkən deyib.
R. T. Ərdoğan Qəzza səfərini təxirə salmayacaqlarını bəyan edib. O bildirib ki, ABŞ-a səfərindən dərhal sonra Qəzzaya gedəcək: “Kaş ki, Con Kerri belə açıqlama verməyəydi. Yaxşı olmadı”.
Baş nazir qeyd edib ki, ABŞ-a səfəri mayın 14-nə planlaşdırılıb.
Xatırladaq ki, ABŞ dövlət katibi Con Kerri R. T. Ərdoğanın may ayında Qəzzaya səfər etməsinə qarşı olduqlarını söyləyib.