Amerika

Ana səhifə

Amerika

ABŞ Gürcüstana Hava Hücumundan Müdafiə sistemlərinin işlənib hazırlanmasında yardım edəcək

15 iyun 2012 08:23 (UTC +04:00)

Bakı – APA. ABŞ Gürcüstana Hava Hücumundan Müdafiə və izləmə sistemlərinin işlənib hazırlanmasında, eləcə də vertolyot parkının yenilənməsində yardım edəcək. APA-nın xəbərinə görə, bu barədə ABŞ Dövlət Departamentinin açıqlamasında bildirilir.

Açıqlama ABŞ dövlət katibi Hillari Klintonun bu yaxınlarda Gürcüstana baş tutan səfəri və strateji tərəfdaşlıq üzrə Gürcüstan-ABŞ Komissiyasının iyunun 5-də Batumidə keçirilən iclası ilə əlaqədar yayılıb. Gürcüstanın baş naziri Nika Gilaurinin də iştirak etdiyi iclasda hava izləmə vasitələrinin, eləcə də sahil zolağında müşahidə vasitələrinin hazırlanmasında rəsmi Tiflisə kömək göstərilməsi variantları müzakirə edilib. Bundan başqa, ABŞ Gürcüstana hərbi personalın təlimlərində və ümumi təyinatlı vertolyotların modernləşməsində kömək göstərilməsini istisna etmir.

Açıqlamada bildirilir ki, ABŞ Abxaziya və Cənubi Osetiyanı Gürcüstan ərazisi hesab edir və iclasda Gürcüstanla Abxaziya və Cənubi Osetiya arasında əlaqələrin qurulması variantları da müzakirə olunub.