Amerika

Ana səhifə

Amerika

ABŞ-ın 12 ştatı quraqlıq səbəbilə fəlakət bölgəsi elan olunub

02 avqust 2012 07:55 (UTC +04:00)

APA-nın məlumatına görə, ABŞ Kənd Təsərrüfatı Nazirliyi 12 ştatın 218 yaşayış məntəqəsini fəlakət bölgəsi elan edib. Rəsmi hesablamalara görə, quraqlıq səbəbilə ölkədə soyakimilərin istehsalı 37 faiz aşağı düşüb. Bu ay ölkədə qarğıdalı istehsalı da 20 faiz azalıb. Quraqlıq ümumilikdə 3 milyon 800 min hektar ərazini əhatə edir. Vəziyyət belə davam edərsə, ölkədə əsas kənd təsərrüfatı məhsullarının qiymətinin 4-5 faiz bahalaşacağı gözlənilir. Ekspertlər ABŞ-da süd və ət məhsullarının qiymətinin artmasının digər ölkələrə də təsir edəcəyini proqnozlaşdırır. Quraqlıqdan zərər çəkmiş fermerlərin 85 faizinə dəymiş ziyanı sığorta şirkətləri ödəyəcək. Federal hökumət dəymiş zərər səbəbilə fermerlərə faizsiz kredit veriləcəyini bildirib.