Amerika

Ana səhifə

Amerika

Prezident Felipe Kalderon: “Meksikanın cəmi 9 illik neft ehtiyatı qalıb”

03 sentyabr 2007 14:15 (UTC +04:00)

Meksikanın təsdiq olunmuş neft ehtiyatları 9 il sonra tam şəkildə tükənəcək. Hazırda Meksika Dövlət Neft Şirkəti PeMex-in gündəlik neft hasilatı 200 min barel azalıb. APA-nın məlumatına görə, Meksika prezidenti Felipe Kalderon bildirib ki, neft ehtiyatlarının tükənməsi dövlətin maliyyə siyasətini ciddi zərbə altında qoyub. Onun sözlərinə görə, Meksikanın dövlət büdcəsinin 40 faizi neftdən gələn gəlirlər hesabına formalaşır. Prezident büdcə siyasətinə təcili dəyişikliklərin edilməsini, büdcənin neftdən asılılığını minimuma endirməyi zəruri sayıb. Parlamentə yeni maliyyə və vergi islahatlarına dair layihə göndərən hökumət ölkəni mümkün böhrandan sığortalamağa çalışır. Qeyd edək ki, müstəqil neft hasilatçısı olan ölkələrdən sayılan Meksika ABŞ bazarının neft məhsulları ilə əsas təminatçılarından biridir. /APA/