İnfrastruktur

Ana səhifə

İnfrastruktur

Neft məhsullarının Azərbaycan ərazisindən dəmir yolları vasitəsilə tranzit daşınması xidmәtlәrinin tariflərinin yuxarı həddi açıqlanıb

08 dekabr 2015 12:40 (UTC +04:00)

Bakı. Aqşin Rafiqoğlu - APA-Economics. Azərbaycan prezidenti İlham Əliyevin tapşırığına uyğun olaraq, ölkəmizin tranzit cəlbediciliyinin artırılması və tranzit yükdaşımaları üçün daha əlverişli şəraitin yaradılması məqsədilə tranzit xidmətlərinin tənzimlənməsi prosesi davam etdirilir.

Tranzit Yükdaşımalar üzrə Koordinasiya Şurasından “APA-Economics”ə verilən məlumata görə, Azərbaycan Tranzit Yükdaşımalar üzrə Koordinasiya Şurası tərəfindən "Azərbaycan Dəmir Yolları" QSC-nin, "Azərbaycan Xəzər Dəniz Gəmiçiliyi" QSC-nin və ölkənin dəniz terminallarının təklifləri nəzərə alınmaqla neft və neft məhsullarının Azərbaycan ərazisindən ayrı-ayrı istiqamətlər üzrə dəmir yolları vasitəsilə tranzit daşınması və dəniz terminallarının bu sahədə göstərdiyi yükaşırma xidmәtlәrinin tariflərinin yuxarı həddi təsdiq edilib. Tariflərə neft və neft məhsullarının tranzit daşınması və həmin yüklərin aşırılması xidmətləri ilə bağlı bütün ödənişlər daxildir.

Bununla belə, aidiyyəti xidmət göstərən subyektlər tərəfindən tariflərə 30%-dək güzəştlər tətbiq edilə bilər. Tranzit dəhlizlərinə əlavə yüklərin cəlb edilməsinin stimullaşdırılması məqsədilə xidmət subyektlərinin müraciəti əsasında yüklərin tranzit daşınması və həmin yüklərin aşırılması xidmətləri üzrə güzəştlərin 30%-dən artıq müəyyən edilməsi məsələsinə Azərbaycan Tranzit Yükdaşımalar üzrә Koordinasiya Şurası tərəfindən baxıla bilər.

Koordinasiya Şurasının qərarına əsasən, neft və neft məhsullarının tranzit daşınması və həmin yüklərin aşırılması xidmәtlәri üzrə nəqliyyat-ekspedisiya xərcləri təsdiq olunmuş tariflərin üzərinə 2 faizədək əlavənin edilməsi yolu ilə hesablanır. Müqavilə qiymətinin dəyəri ümumilikdə təsdiq edilmiş tariflərdən və nəqliyyat-ekspedisiya xərclərindən çox olmamalıdır. Yeni tariflər 3 dekabr 2015-ci il tarixdən qüvvədədir.

Neft və neft məhsullarının Azərbaycan Respublikasının ərazisindən ayrı-ayrı istiqamətlər üzrə dəmir yolları vasitəsilə tranzit daşınması xidmәtlәrinin tariflərinin yuxarı həddi

	İstiqamətlər	Məhsullar	Ölçü vahidi	Tariflər (ABŞ dolları)
1.	Dübəndi - Böyük Kəsik	Xam neft	ton	12,00
2.	Ələt - Böyük Kəsik		ton	11,00
3.	Bakı - Böyük Kəsik		ton	11,50
4.	Səngəçal - Böyük Kəsik		ton	11,00
5.	Yalama - Böyük Kəsik		ton	15,20
6.	Qaradağ - Böyük Kəsik		ton	11,00
7.	Dübəndi - Böyük Kəsik	Mazut	ton	13,00
8.	Ələt - Böyük Kəsik		ton	12,00
9.	Bakı - Böyük Kəsik		ton	12,50
10.	Səngəçal - Böyük Kəsik		ton	12,00
11.	Yalama - Böyük Kəsik		ton	15,20
12.	Yalama - Dübəndi		ton	12,27
13.	Böyük Kəsik - Ələt	Reaktiv mühərrik yanacağı	ton	18,00
14.	Dübəndi - Böyük Kəsik	Digər neft məhsulları	ton	14,00
15.	Ələt - Böyük Kəsik		ton	13,00
16.	Bakı - Böyük Kəsik		ton	13,50
17.	Səngəçal - Böyük Kəsik		ton	13,00
18.	Yalama - Astara		ton	14,51
19.	Dübəndi - Astara		ton	10,61
20.	Ələt - Astara		ton	15,05
21.	Bakı - Astara		ton	10,12
22.	Yalama - Böyük Kəsik		ton	17,00

Azərbaycan Respublikasının Dövlət bayrağı altında üzən, həmçinin Azərbaycan Respublikasının rezidenti və filial və nümayəndəliyi olan qeyri-rezidenti tərəfindən istismar edilən xarici dövlətlərin bayrağı altında üzən gəmilər vasitəsilə neft və neft məhsullarının tranzit daşınması xidmәtlәrinin tariflərinin yuxarı həddi

	İstiqamətlər	Daşıma növü	Məhsullar	Ölçü vahidi	Tariflər (ABŞ dolları)
1.	Alaca - Səngəçal	Tanker	Xam neft	ton	11,00
2.	Alaca - Dübəndi			ton	11,00
3.	Alaca - Bakı			ton	11,00
4.	Kianlı - Səngəçal			ton	10,00
5.	Kianlı - Dübəndi			ton	10,00
6.	Kianlı - Bakı			ton	10,00
7.	Okarem - Səngəçal			ton	11,00
8.	Okarem - Dübəndi			ton	11,00
9.	Okarem - Bakı			ton	11,00
10.	Aktau - Dübəndi			ton	11,50
11.	Aktau - Bakı			ton	12,00
12.	Aktau - Səngəçal			ton	12,50
13.	Oğuzxan - Səngəçal			ton	10,00
14.	Oğuzxan - Dübəndi			ton	10,00
15.	Oğuzxan - Bakı			ton	10,00
16.	Türkmənbaşı - Bakı		Mazut	ton	11,00
17.	Türkmənbaşı - Səngəçal			ton	11,00
18.	Türkmənbaşı - Dübəndi			ton	11,00
19.	Aktau - Dübəndi			ton	11,50
20.	Aktau - Səngəçal			ton	12,50
21.	Aktau - Bakı			ton	12,00
22.	Türkmənbaşı - Bakı		Digər neft məhsulları	ton	12,00
23.	Türkmənbaşı - Səngəçal			ton	12,00
24.	Türkmənbaşı - Dübəndi			ton	12,00
25.	Okarem - Bakı			ton	14,00
26.	Türkmənbaşı - Bakı	Bərə	Dolu vaqon	p/m	68,00
27.	Aktau - Bakı	Bərə	Dolu vaqon	p/m	81,00