Bakı-APA. Misirin Qiza şəhəri yaxınlığında sərnişin qatarı qəzaya uğrayıb.
APA-nın “Anadolu” agentliyinə istinadən verdiyi xəbərə görə, üç vaqonun aşması nəticəsində 5 nəfər ölüb, 27 nəfər yaralanıb.
Yaralılar xəstəxanalara çatdırılıb.
Qeyd edək ki, 2002-ci ildə Qiza şəhərində sərnişin qatarının qəzaya uğraması və yanması nəticəsində 350 nəfər ölüb. 2009-cu ildə isə iki qatarın toqquşması nəticəsində 30 nəfər həyatını itirib, 60 nəfər yaralanıb.