Bakı. Vüsal Nəbiyev - APA-Economics. "Standard & Poor's" ("S&P") beynəlxalq reytinq agentliyi Gürcüstanın Neft-qaz Korporasiyasının reytinqləri üzrə proqnozlarını "Stabil"dən "Neqativ"ə endirib.
"APA-Economics" xəbər verir ki, bu barədə "S&P"-nin yaydığı məlumatda deyilir.
Korporasiyanın uzunmüddətli korporativ kredit reytinqi "B+" səviyyəsində təsdiqlənib.
Agentliyin açıqlamasında deyilir ki, reytinq üzrə proqnozların dəyişməsinə səbəb korporasiyanın 2016-2017-ci illər üzrə planlaşdırdığı iri investisiya yatırımlarıdır. Bildirilir ki, şirkət Qardabani rayonunda istilik elektrik stansiyasının genişləndirilməsinə 200-250 mln. dollar, o cümlədən yeraltı qaz anbarlarının tikintisinə 250 mln. dollar yatırmaq niyyətindədir. Bu isə öz növbəsində korporasiyanın borclarını artıracaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
