Bakı-APA. ABŞ Rusiya istehsalı olan RD-180 raket mühərriklərini almaqda davam edəcək.
APA-nın “Sputnik”-ə istinadən məlumatına görə, bunu senator Riçard Şelbi bəyan edib.
Onun sözlərinə görə, ABŞ Senatında bununla bağlı razılığa gəlinib.
“Məsələ razılaşdırılıb. 2022-ci ilədək Rusiyadan 18 ədəd RD-180 raket mühərriki tədarük ediləcək”, deyə R.Şelbi bildirib.
ABŞ adıçəkilən raket mühərriklərini Hərbi-Hava Qüvvələri və NASA-nın ehtiyaclarına uyğun olaraq əldə edir.
Bundan əvvəl Pentaqon Rusiyaya məxsus raket mühərriklərindən imtina etmək niyyətində olduğunu bildirmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
