ABŞ Sahil Mühafizəsi Massaçusets ştatının Nantaket adası yaxınlığında itkin düşən təyyarənin qalıqlarını aşkar edib.
APA xəbər verir ki, qurumun məlumatına görə, təyyarə Bermud adalarından Bostona uçarkən itkin düşüb.
“Sahil Mühafizəsinin axtarış qrupları təyyarə qalıqlarının olduğu ərazini aşkar edib və onların itkin düşmüş hava gəmisinə aid olduğunu təsdiqləyib. Təyyarənin göyərtəsində olan altı nəfərin axtarışları davam etdirilir”, – məlumatda bildirilib.
***
20:53
ABŞ Sahil Mühafizəsi Nantaket adası sahillərində göyərtəsində altı nəfərin olduğu təyyarənin axtarışını aparır.
APA xəbər verir ki, ABŞ Sahil Mühafizəsinin “X” hesabında yayılan məlumata görə, Federal Aviasiya Administrasiyası şənbə günü səhər saatlarında “Gulfstream” təyyarəsi ilə əlaqənin kəsildiyini bildirib.
“Sahil Mühafizəsi göyərtəsində altı nəfərin olduğu “Gulfstream” təyyarəsini axtarır. ABŞ Federal Aviasiya Administrasiyası şənbə günü səhər saatlarında hava gəmisi ilə əlaqənin itdiyini bildirib. Axtarışlar Nantaket sahillərində aparılır”, – məlumatda qeyd olunub.
Bildirilib ki, təyyarə Bermud adalarından Bostona uçurdu.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
