Bu gün Xaçmaz rayonu, Ağtala kəndi ərazisində yaşayış evi yanıb.
APA-nın şimal bürosunun verdiyi məlumata görə, kənd sakini 1942-ci il təvəllüdlü Qasımov Qəhrəman Zaman oğluna məxsus 6 otaqlı, ümumi sahəsi 200 kvadratmetr olan yaşayış evi tamamilə yanıb.
Hadisə yerinə Xaçmaz Dövlət Yanğından Mühafizə Hissəsinin 2, Xudat Dövlət Yanğından Mühafizə Bölməsinin 1 maşını cəlb olunub, yanğın söndürülüb.
Yanğın zamanı xəsarət alan olmayıb. Yanğının səbəbləri araşdırılır.