2018-ci ildə Gürcüstanda Azərbaycanla sərhədə qədər olan avtomobil yolu təmir olunacaq.
APA-nın Gürcüstan bürosunun məlumatına əsasən, avtomobil yolunun Tbilisi-Qırmızı Körpü və Rustavi-Qırmızı körpü hissələrinin yenidən qurulmasına dövlət büdcəsindən 25 milyon lari məbləğində vəsait ayrılacaq.
Ümumiyyətlə, 2018-ci ildə Gürcüstan hökuməti infrastruktur layihələrinə xərcləri artırmağı planlaşdırır.
Gələn ilin büdcə layihəsinə əsasən, qonşu ölkədə yol infrastrukturunun tikintisi və yenidən qurulmasına 1,3 milyard larinin yönəldilməsi nəzərdə tutulub.