Bakı-APA. ABŞ Milli meteoroloji xidməti yaxınlaşan qar fırtınası ilə bağlı ölkənin şimal-şərqində qasırğa xəbərdarlığı elan edib. APA-nın “RBK”ya istinadən verdiyi xəbərə görə, qar fırtınası zonasına Nyu York və Boston şəhərləri də daxil olunub.
CNN-in verdiyi xəbərə görə, hal-hazırda güclü qar artıq yağmağa başlayıb. Nyu York şəhərində fevralın 8-də axşam saatlarında bir neçə saat ərzində 30 santimetrədək qar yağacağı proqnozlaşdırılır, küləyin sürəti isə saatda 65 kilometrə çatacaq.
Boston şəhərində məktəblər bağlanıb, sakinlərə evlərini imkan daxilində tərk etməmək məsləhət görülüb.