Bakı-APA. ABŞ Koreya Xalq-Demokratik Respublikasının Xarici ticarət bankına qarşı sanksiyaları genişləndirib. APA-nın məlumatına görə bu barədə ABŞ prezidentinin Milli təhlükəsizlik üzrə müşaviri Tomas Donilon məlumat verib.
«Bu gün ABŞ maliyyə nazirliyi KXDR Xarici ticarət bankına qarşı sanksiyaların tətbiq olunduğunu elan edir. KXDR-in əsas xarici ticarət bankına qarşı sanksiyalar kütləvi qırğın silahlarının dəstəklənməsinə oynadığı rola görədir», deyə Donilon bildirib.
Donilon həmçinin Birləşmiş Ştatların sakitcə KXDR-in nüvə raketləri istehsal etməsinə baxmayacaqlarını bəyan edib.
«ABŞ KXDR-i nüvə dövləti kimi tanımır və bu ölkənin nüvə başlığını Amerika ərazisinə çatdıra biləcək raketləri istehsal etməsinə sakit baxmayacaq», deyə o vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
