Bakı-APA. ABŞ suriyalı üsyançıların hərbi hazırlığını İordaniya ərazisində həyata keçirir. APA-nın “Vesti”yə istinadən verdiyi xəbərə görə, bu barədə jurnalistlərə Amerika administrasiyasının nümayəndələri bildirib. Bununla onlar ABŞ-ın Bəşər Əsəd hakimiyyətinə qarşı çıxış edən suriyalı üsyançılara fəal dəstək göstərməsini təsdiqləyib.
ABŞ administrasiyasının nümayəndələrinin sözlərinə görə, Amerika kəşfiyyatının həyata keçirdiyi əməliyyatda həmçinin Böyük Britaniya və Fransa da iştirak edir. Üsyançıların hərbi hazırlığı artıq bir neçə aydır davam edir. Anonimlik şərtləri ilə müsahibə verən ABŞ administrasiyasının nümayəndələri qeyd edib ki, təlimlərdə iştirak edən üsyançılar Suriya Azad Ordusuna (SAO) daxil deyil. ABŞ ehtiyatlanır ki, SAO üzvləri ekstremist elementlərin təsiri altında ola bilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
