Bakı. Zümrüd Paşayeva – APA. ABŞ prezidenti Barak Obama Ukrayna və Rusiya liderləri arasında atəşkəs barədə razılıq əldə olunması xəbərinə münasibət bildirib.
APA - nın “Ukrinform”a istinadən verdiyi məlumata görə, Estoniyada jurnalistlərin suallarını cavablandıran B. Obama indiyədək separatçıları dəstəklədiyini inkar edən Rusiya ilə razılaşmalarda xüsusi nəticələrin əldə olunmadığını vurğulayıb.
“Bu atəşkəs anlaşmasının nədən ibarət olduğunu söyləmək tezdir. Biz bu məsələ ilə əlaqədar heç bir detal görməmişik, yalnız telefon danışıqlarının olduğunu bilirik”, - deyə o vurğulayıb.