Bakı. Viktoriya Dementyeva – APA. Yanvarın 15-də BMT Təhlükəsizlik Şurasının xarici işlər nazirləri səviyyəsində terrorçuluğa qarşı mübarizə məsələlərinə həsr olunmuş toplantısı keçiriləcək. APA-nın xəbərinə görə, bunu yanvar ayında BMT TŞ-nin sədri qismində fəaliyyətinin prioritetlərini açıqlayan Pakistanın BMT-dəki daimi nümayəndəsi Məsud Xan deyib. O, yanvarın 26-da sülhün dəstəklənməsi üzrə müzakirə keçiriləcəyini də söyləyib.
Xatırladaq ki, 2011-ci ilin oktyabrında Azərbaycan BMT TŞ-nin müvəqqəti üzvü seçilib.