Bakı-APA. Cohar Tsarnayev FTB-yə etiraf edib ki, Bostondakı partlayışları o qardaşı Tamerlanla birlikdə törədib. APA-nın “İTAR-TASS”a istinadən verdiyi xəbərə görə, bu barədə ABŞ-ın “Boston Qlob” qəzeti hüquq-mühafizə orqanlarındakı mənbəyə istinadən məlumatı dərc edib.
Nəşrin məlumatına görə, 19 yaşlı Tsarnayev bu etirafı ona rəsmi ittiham təqdim edilməzdən əvvəl edib. O həmçinin qardaşı ilə birlikdə aprelin 19-da polis əməkdaşını qətlə yetirdiklərini bildirib. Qeyd edək ki, Tamerlan həmin gün polislə atışma zamanı öldürülüb.
Hal-hazırda saxlanma zamanı ağır yaralanmış Cohar Tsarnayev Boston xəstəxanalarının birində müalicə alır. O səs telləri zədələndiyindən danışa bilmir və FTB-nin suallarına yazılı şəkildə cavab verir.
Aprelin 22-də Cohar Tsarnayevə rəsmi ittiham təqdim olunub.
Xatırladaq ki, aprelin 15-də Bostonun mərkəzində bir birinin ardınca iki partlayış törədilib, nəticədə 3 nəfər həlak olub, 260-dan çox adam yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
