Bakı-APA. Dəqiqləşdirilmiş məlumata görə, keçən həftə Bostonda Tsarnayev qardaşları tərəfindən törədilmiş partlayışlarda 264 nəfər yaralanıb. APA-nın “İTAR-TASS”a istinadən verdiyi xəbərə görə, bu barədə Boston səhiyyə departamenti açıqlama verib.
Həkimlərin sözlərinə görə, yaralananların bir qismi partlayışlardan bir neçə gün sonra tibbi yardım üçün müraciət edib.
Son məlumatlara görə, şəhər xəstəxanalarında 48 nəfər müalicəni davam etdirir.
Xatırladaq ki, aprelin 15-də Bostonun mərkəzində bir birinin ardınca iki partlayış törədilib, nəticədə 3 nəfər həlak olub – 8 yaşlı oğlan, restoran meneceri işləyən 29 yaşlı qadın və 23 yaşlı çinli tələbə qız.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
