Bakı-APA. Əfqanıstanda Təhlükəsizliyə yardım üzrə beynəlxalq qüvvələrin hərbi kontingentinin (ISAF) nümayəndəli bəyan edib ki, fevralda ölkənin 34 vilayətindən 23-də təhlükəzisliyin təmini üzrə məsuliyyət Əfqanıstanın hərbi qurumlarının üzərinə qoyulacaq.
APA-nın “BBC”yə istinadən verdiyi xəbərə görə, NATO-nun rəhbərliyi altında olan beynəlxalq qüvvələrin hərbi kontingenti təhlükəzisliyin təmini üzrə fünksiyaları Əfqanıstanın hərbi qurumlarına tədricən verilməsi prosesini hələ 2 il bundan əvvəl başlayıb.
Ehtimal olunur ki, bu proses 2014-cü ildə, yəni bütün xarici qoşunlar ölkəni tərk etdikdən sonra tamamlanacaq.
Xatırladaq ki, ABŞ prezidentinin müşavirinin müavini Ben Rods qeyd etmişdir ki, Barak Obama administrasiyası da ABŞ ordusunun birləşmələrini Əfqanıstandan 2014-cü ildən sonra çıxarmağı planlaşdırır.
Hal-hazırda Əfqanıstanda 68 min ABŞ hərbçisi qulluq çəkir, NATO kontingenti 102 min hərbçidən ibarətdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
