Bakı-APA. ABŞ prezidenti Barak Obama andiçmə çıxışında öz prezidentliyinin əsas prinsiplərini sadalayıb. Bu barədə APA RİA Novosti-yə istinadən məlumat verir. Çıxışında Obama ABŞ-ın müttəfiqləri ilə münasibətlərinin möhkəmləndirilməsinin vacibliyini vurğulayıb.
«Amerikanın imkanları qeyri-məhduddur, çünki bizdə uğur qazanmaq üçün hər şey mövcuddur», deyə Obama Kapitoli təpəsindəki tribunadan bəyan edib.
O orta təbəqəni dəstəkləmək üçün əlindən gələni edəcəyini bildirib: «Orta təbəqənin rifahı bütün ölkənin rifahının əsasıdır. Əhalinin ən az müdafiə olunmuş təbəqələrinə qayğı göstərmək vacibdir, çünki xoşbəxtlik kiçik bir hissəyə məxsus olmamalıdır».
Obama ABŞ-ın istehsalçılarını dəstəkləməyə və qlobal istiləşmə ilə mübarizə aparmağa söz verib.
«Biz bütün dünyada müttəfiqlərimizlə münasibətlərimizi möhkəmləndirəcəyik», deyə Obama söz verib.
O əlavə edib ki, ABŞ həmçinin bütün dünyada demokratiyanı dəstəkləyəcək, çünki Amerika həmişə «azadlıq istəyənləri dəstəkləyib».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
