Bakı-APA. Venesuelanın qərbində baş vermiş avtomobil qəzası nəticəsində ölkə prezidenti Uqo Çavesin 11 tərəfdarı həlak olub, daha 75 nəfər isə yaralanıb.
Hadisə Lara-Zuliə şosesində qaranlıqda dalbadal hərəkət edən iki avtobusun toqquşması nəticəsində baş verib. Qabaqda gedən avtobus dumanda dayandığından digər nəqliyyat vasitəsi onu görməyib və nəticədə qəza baş verib. Daha 3 minik avtomobili də avtobuslara dəyib.
Xəsarət alanların çoxu təhsil və səhiyyə sisteminin işçiləridir. Onlar paytaxt Karakasa hazırda Kubada müalicə olunan prezident Uqo Çavesə dəstək üçün təşkil olunan mitinqə gedirmişlər.