Bakı. Könül Cəfərli - APA. “İranın kosmik proqramının inkişafından duyduğumuz narahatlıq hər kəsə yaxşı məlumdur”. APA-nın məlumatına görə, bunu ABŞ Dövlət Departamentinin sözçüsü xanım Viktoriya Nuland deyib.
O bildirib ki, İranın ballistik raket istehsalı BMT Təhlükəsizlik Şurasının (TŞ) qətnaməsinə ziddir: “ABŞ İranın kosmik proqramının inkişafından narahatdır. BMT TŞ-nın qətnaməsi İrana ballistik raketlə bağlı bütün fəaliyyəti qadağan edir. Bura ballistik raket texnologiyasından istifadə də daxildir”.