Aqrar-sənaye kompleksi

Ana səhifə

Azərbaycanda özəl baytarlıq təbabəti fəaliyyəti də lisenziyalaşdırılacaq

16 aprel 2009 13:00 (UTC +04:00)

Bakı. Rəşad Süleymanov – APA-Economics. Azərbaycan Nazirlər Kabineti «Fəaliyyət növlərinin xüsusiyyətindən asılı olaraq xüsusi razılıq (lisenziya) verilməsi üçün tələb olunan əlavə şərtlər»ə əlavələr edib. Bu barədə «APA-Economics»ə Nazirlər Kabinetindən məlumat verilib.
Sənədə özəl baytarlıq təbabəti fəaliyyətinə lisenziya verilməsi üçün tələb olunan əlavə şərtlər daxil edilib. Belə ki, özəl baytarlıq fəaliyyəti göstərmək istəyən hüquqi şəxslər lisenziya almaq üçün mütəxəssislərinin ali və ya orta ixtisas təhsilinə malik olduqlarını təsdiq edən sənədlərin surətini də təqdim etməlidir. Baytarlıq preparatlarının istehsalı və satışı fəaliyyətinə lisenziya almaq üçünsə ərizəçinin istehsal sahəsinin və malik olduğu avadanlıqların normativ-texniki tələblərə uyğun olması, habelə istehsal edilən baytarlıq preparatlarının keyfiyyətinə nəzarət etmək üçün akkreditə edilmiş laboratoriyanın mövcudluğu barədə Standartlaşdırma, Metrologiya və Patent üzrə Dövlət Komitəsinin təsdiqedici sənədi, baytarlıq preparatlarının istehsalı üzrə mütəxəssislərin ali və ya orta ixtisas təhsilinə malik olduqlarını təsdiq edən sənədlərin surəti, satış üçünsə satışla məşğul olan mütəxəssislərin baytarlıq ixtisası üzrə ali və ya orta ixtisas təhsilinə malik olduqlarını təsdiq edən sənədlərin surəti təqdim olunmalıdır.