Aqrar-sənaye kompleksi

Ana səhifə

Gəncədə aqrar təhsil modeli ilə bağlı beynəlxalq konfrans keçirilir

15 may 2009 09:48 (UTC +04:00)

Gəncə. Cəmşid Bəxtiyar – APA. Gəncədə, Azərbaycan Dövlət Aqrar Universitetində (ADAU) «Kənd təsərrüfatı mütəxəssislərinin hazırlanması, müasir vəziyyət, beynəlxalq təcrübə, yeni aqrar təhsil modeli» mövzusunda beynəlxalq konfrans işə başlayıb.
APA-nın Qərb bürosunun məlumatına görə,

APA-nın qərb bürosunun məlumatına görə, konfransda Azərbaycanın kənd təsərrüfatı naziri İsmət Abbasov, təhsil nazirinin müavini İradə Hüseynova, rabitə və informasiya texnologiyaları nazirinin müavini Elmir Vəlizadə, Milli Məclisin elm və təhsil daimi komitəsinin sədri Şəmsəddin Hacıyev, aqrar siyasət daimi komitəsinin sədri Eldar İbrahimov, həmçinin ABŞ, Almaniya, Türkiyə, İran, Gürcüstan, Norveçin elmi-tədqiqat institutlarının mütəxəssisləri iştirak edirlər.

Konfransı giriş sözü ilə ADAU-nun rektoru Mirqamət Sadıqov açıb və toplantı iştirakçılarına aqrar sektorda elmin inkişafı, kadrların hazırlanması və s. istiqamətlərdə görülən işlərdən danışıb. Həmçinin, tədbirdə Gəncənin və ADAU-nun tarixi barədə sənədli film nümayiş olunub.

Qeyd edək ki, aqrar sektorunun təhsil sahəsində aparılan tədqiqatlar, tələbə mübadiləsi və digər prioritet sahələri əhatə edən konfrans iki gün davam edəcək.