Bakı. Aqşin Rafiqoğlu – APA-Economics. Bu ilin avqust ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 480 050 ton Azərbaycan nefti nəql olunub.
Azərbaycan Dövlət Neft Şirkətindən «APA-Economics»ə verilən məlumata görə, bu, 2012-ci ilin avqust ayı ilə müqayisədə 4,5% çoxdur.
Bu ilin yanvar-avqust aylarında isə kəmərlə 20 220 005 ton neft ötürülüb ki, bu da ötən ilin analoji dövrü ilə müqayisədə 2,15% azdır.
Ümumiyyətlə, kəmər istifadəyə verilən gündən bu il sentyabr ayının 1-ə qədər BTC-yə 225,671 mln. ton neft vurulub.
Bundan başqa, bu ilin avqust ayında BTC kəməri ilə 201,4 min ton Türkmənistan nefti nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
