Bakı – APA. Türkiyənin “Dənizlispor” klubu Azərbaycan millisinin sabiq üzvü Arif İsayevlə yollarını ayırıb. Apasport.az saytı xəbər verir ki, bu barədə klub prezidenti Mehmet Özsoy məlumat verib.
Dənizli təmsilçisinin başqanı yerli mətbuata açıqlamasında Arif İsayevlə yanaşı, makedoniyalı Bayram Fetaini göndərdiklərini bildirib.
Daha öncə komandanın baş məşqçisi Yusuf Şimşək İsayev və Fetainin səviyyəsinin onları qane etmədiyini, onların qovulacağını bildirmişdi.
Qeyd edək ki, Arif İsayev ötən mövsüm qış fasiləsində “Dənizlispor”a transfer olunmuşdu. Hazırda Türkiyə təmsilçisinin heyətində daha bir həmyerlimiz – Saşa Yunisoğlu yer alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
