Bakı. Aqşin Rafiqoğlu – APA-Economics. Bu ilin may ayında Azərbaycan Dövlət Neft Şirkəti (ARDNŞ) tərəfindən 715,9 min ton neft hasil edilib.
“APA-Economics”in ARDNŞ-in statistika rəqəmlərinə istinadən verdiyi məlumata görə, bu, ötən ilin eyni dövrü ilə müqayisədə 1,2% çoxdur.
Qeyd edək ki, bu ilin yanvar ayında bu rəqəm 715,4 min ton, fevralda 651,7, mart ayında 741,6 min ton, aprel ayında isə 686,2 min ton təşkil edib.
Bu ilin yanvar-may aylarında isə ARDNŞ tərəfindən isə ümumilikdə 3 510,8 min. ton neft hasil edilib. Bu, ötən ilin analoji dövrünün göstəricisindən 1,3% çoxdur.
Ümumilikdə may ayında ölkə üzrə 3 707.8 min ton neft hasil edilib ki, bu da ötən ilin eyni ayı ilə müqayisədə 4% azdır.
Bu ilin yanvar ayında ölkə üzrə 3639,2 min ton, fevralda 3622,5 min ton, mart ayında 3622,5 min ton, aprel ayında isə 3632,5 min ton neft hasil edilib. Ümumilikdə bu ilin yanvar-may aylarında 18 214,5 min ton neft hasil edilib ki, bu da 2013-cü ilin 5 ayı ilə müqayisədə 0,3% azdır.