Bakı – APA. Kuzbassda, Prokopyevsk şəhərinin “Krasnoqorskaya” mədənində axtarış-xilasetmə işləri başa çatıb
APA-nın RİA Novosti agentliyinə istinadən verdiyi məlumata görə, mədənin texniki konstruksiyalarının uçqunu nəticəsində iki nəfər ölüb.
“Axtarış-xilasetmə işləri başa çatıb, növbədə olan 58 şaxtaçıdan 56-sı xilas olunub”, - yerli FHN idarəsinin məlumatında bildirilir. Hadisə yerinə 70 nəfər xilasedici və 14 ədəd xüsusi texnikanın cəlb edildiyi vurğulanır.