Bakı. Musa Əhmədov - APA-Economics. “Kapital Bank” müştərilər üçün daha bir kredit imkanı yaradıb. Artıq bankın pensiya və ya maaş kartına sahib olan hər bir şəxs banka müraciət edərək təcili kredit xətti açdıra bilər.
Bankdan “APA-Economics”ə verilən məlumata görə, bu imkandan faydalanmaq üçün müştərinin sadəcə şəxsiyyətini təsdiq edən sənədi bankın filiallarına təqdim etməsi yetərlidir.
Təcili kredit xətti, təcili və qısamüddətli ehtiyacların ödənməsi üçün ideal vasitədir. Kredit xəttindən istifadə etmək də çox rahatdır. Belə ki, müvafiq kredit xətti olduqda, pul ehtiyacını ödəmək üçün bankda növbəyə durmağa ehtiyac yoxdur. Kredit xəttindən günün istənilən vaxtı istifadə edilə bilər.
Təcili kredit xəttinin limiti minimum 50 manat - maksimum 500 manat təşkil edir. Limitdən tam və ya hissə-hissə istifadə oluna bilər. Yaranmış borc ödəndikcə kredit limiti bərpa olunur. Təcili kredit xətti üzrə istifadə olunmuş məbləğ 40 günə qədər ödənməlidir (bu müddət ərzində karta daxil olan vəsait avtomatik olaraq ilk növbədə təcili kredit xətti üzrə borcun bağlanmasına yönəldilir). Müvafiq kredit xəttindən 24 ay ərzində istifadə etmək mümkündür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
