Bakı. Fərid Mirzəyev – APA. “Azərbaycan dilinin orfoqrafiya lüğəti çox qüsurludur. Hazırda biz onun üzərində iş aparırıq”.
APA-nın xəbərinə görə, bunu AMEA-nın Nəsimi adına Dilçilik İnstitutunun direktoru, akademik Tofiq Hacıyev saytlarda aparılmış monitorinqin nəticələri ilə bağlı keçirilən mətbuat konfransında deyib.
T. Hacıyev danışıq dilində əcnəbi dilə meylin gücləndiyini bildirib: “Həmçinin danışıq dilində yenə də pərakəndəlik hökm sürur. Dilçilik institutu səhvləri tapıb, aşkarlayır. Səhvlərindən nəticə çıxarmaq əvəzinə bunlar bəzilərinin xətrinə dəyir. Mətbuat işçiləri, o cümlədən başqaları ümumən dilimizdə olan qüsurlardan danışanda bütün günahı Dilçilik İnstitutunun üstünə atırlar. Amma dilin qayğısına hamı qalmalıdır”.
T. Hacıyev bu yaxınlarda Naxçıvan dialektoloji atlasının da çap olunacağını qeyd edib: “Bundan başqa, Qarabağ dialektoloji atlasını hazırlamağı qarşımıza məqsəd qoymuşuq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
