Bakı. Məlahət Nəcəfova - APA. "Dağlıq Qarabağ münaqişəsinin həlli üçün yeni vasitəçilərin cəlb olunmasına ehtiyac yoxdur, Minsk Qrupu çərçivəsindəki razılaşmaları yerinə yetirmək kifayətdir”.
APA-nın "RİA Novosti"yə istinadən verdiyi məlumata görə, bu sözləri Qazaxıstanın xarici işlər naziri Yerlan İdrisov Astanada keçirdiyi brifinqdə deyib. O xatırladıb ki, münaqişənin həlli ilə bağlı ATƏT-in Minsk Qrupu yaradılıb və həmin qrupun həmsədrləri Fransa, Rusiya və ABŞ-dır: "Mən hesab edirəm ki, yeni vasitəçilərin axtarışına ehtiyac yoxdur. Minsk Qrupu çərçivəsində Dağlıq Qarabağ münaqişəsinin həlli üzrə əsas prinsiplər müəyyənləşdirilib. Bu razılaşmaları yerinə yetirmək lazımdır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
