APA-nın Moskva müxbirinin verdiyi məlumata görə, görüşdə Azərbaycanın Rusiyadakı səfiri Polad Bülbüloğlu, Azərbaycanın Milli Məclisinin üzvü Cavanşir Paşazadə də iştirak edib.
Patriarx Kirill Allahşükür Paşazadəni dinlərarası əməkdaşlıqdakı rolu və 65 illik yubileyi ilə əlaqədar Rusiya Pravoslav Kilsəsinin Müqəddəs Moskva Knyazı Daniilin şərəfinə olan birinci dərəcəli ordenlə təltif edib. Orden A. Paşazadəyə təqdim olunub.
Kirill şeyxülislamı Moskvada görməkdən şad olduğunu deyib. O, Rusiya-Azərbaycan münasibətlərindəki inkişafdan danışıb, iki ölkənin ruhən qardaş olduğunu söyləyib. Kirill Qarabağ münaqişəsinin tezliklə sülh yolu ilə həll olunacağına ümid etdiyini bildirib və şeyxülislamın münaqişənin həllində göstərdiyi səyləri yüksək qiymətləndirib.
Allahşükür Paşazadə isə Azərbaycan prezidenti İlham Əliyevin salamlarını Kirillə çatdırıb: “Mən Azərbaycan prezidenti ilə telefonla danışdım, dövlət başçısı İlham Əliyev sizi xeyli vaxtdır Azərbaycanda görmədiyimizi dedi və ölkəmizə səfərə dəvət etməyimi istədi”.
Şeyxülislam da öz növbəsində Qarabağ probleminin həlli üçün göstərdiyi səylərə görə patriarxa təşəkkür edib.
Ukrayna münaqişəsi barədə danışan QMİ sədri qeyd edib ki, iki qardaş xalq arasında baş verənlər Azərbaycan xalqını narahat edir: “Ümid edirəm ki, hər iki xalq götür-qoy edəcək və bu münaqişə sona yetəcək”.
Daha sonra Kirill və Allahşükür Paşazadə arasında ikitərəfli görüş başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
