Bakı-APA. Orlando şəhərində qətliam törədən şəxsin hər hansı terror qruplaşması ilə əlaqəli olması barədə məlumat yoxdur.
APA-nın Reuters agentliyinə istinadən verdiyi məlumata görə, bunu ABŞ-ın vitse-prezidenti Co Bayden bəyan edib.
“Cinayətin şəxsi təşəbbüslə və yaxud sifarişlə həyata keçirilməsinə dair hələ ki, məlumatımız yoxdur”, deyə C.Bayden bildirib.
Qeyd edək ki, İŞİD terror qruplaşması ABŞ-ın Orlando şəhərində gecə klubuna hücuma görə məsuliyyəti öz üzərinə götürüb.
Xatırladaq ki, ABŞ-ın Florida ştatının Orlando şəhərində gecə klubunda törədilən terror aktı nəticəsində 50 nəfər ölüb, 53 nəfər yaralanıb. İnsanlara atəş açan Ömər Mətin polislə atışma zamanı öldürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
