Bakı. Musa Əhmədov – APA-Economics. 2014-cü ildə Azərbaycanda alternativ və bərpa olunan enerji mənbələri hesabına ümumilikdə 237,8 mln. kilovatsaata qədər elektrik enerjisi istehsal olunub. Bu, 2013-cü illə müqayisədə 34% çoxdur.
“APA-Economics”in məlumatına görə, bu barədə məlumat Nazirlər Kabinetinin 2014-cü ildə fəaliyyəti haqqında hesabatında əks olunub.
Məlumata əsasən, hesabat dövründə alternativ və bərpa olunan enerji mənbələri hesabına istehsal olunan elektrik enerjisinin 73,1%-i biokütlə, 10,1%-i kiçik su elektrik stansiyaları, 12,7%-i külək elektrik stansiyaları, 4,1%-i günəş elektrik stansiyalarının payına düşüb.