Bakı-APA. Fövqəladə Hallar Nazirliyinin Böhran Vəziyyətlərində İdarəetmə Mərkəzinə Qəbələ rayonu, Laza kəndində 3 nəfərin “VAZ” markalı avtomobillə lilə bataraq köməksiz vəziyyətdə qalması barədə məlumat daxil olub.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, dərhal Nazirliyin Şimal-Qərb Regional Mərkəzinin xilasediciləri “VAZ” markalı avtomobili lildən çıxarıb və vətəndaşları xilas edərək təhlükəsiz əraziyə çıxarılmasını təmin ediblər. Əməliyyat saat 21:50-də başa çatıb.