Bakı. Aqşin Rafiqoğlu - APA-Economics. Bu ilin yanvar-iyul aylarında Gürcüstan Azərbaycandan 162 305,5 min dollar dəyərində 793 253,7 min ton neft ekvivalentində təbii qaz idxal edib.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, ötən ilin eyni dövrü ilə müqayisədə 8% çoxdur. Ötən ilin analoji dövrü ilə müqayisədə Gürcüstandan ixrac olunan təbii qazın həcmi dəyər baxımından 21,2% çoxdur.
Qeyd edək ki, Azərbaycandan Gürcüstana ixrac olunan məhsulların 46,7%-i təbii qazın payına düşür.
Xatırladaq ki, bu ilin yanvar-iyul aylarında Gürcüstandan Azərbaycana 337 627,6 min dollar dəyərində məhsul ixrac edilib. Yəni, Gürcüstanın ixracatının 20,3%-i Azərbaycanın payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
