Azərbaycanın İrandakı səfiri Əli Əlizadə İranın Gilan əyalətinin meri Əsədulla Abbasi ilə görüşüb.
APA-nın Tehran bürosunun məlumatına görə, görüşdə Ə.Abbasi bildirib ki, iki ölkə xalqlarının mədəni, tarixi və dini bağlılıqlarının olması ölkələrimiz arasında əlaqələrin inkişafına təsir edir:
“Astara sərhəd-keçid məntəqəsində ticarət mübadiləsini artırmaq üçün geniş potensial mövcuddur. Sərhəd çayı üzərində körpünün inkişaf etdirilməsi ilə gündəlik 1000 yük maşının gediş-gəlişini təmin etmək mümkündür”.
Ə.Abbasi ticarət əlaqələrinin Kaspian limanı və Bakı limanı arasında qatar daşıyan gəmilərdən istifadə edilməklə daha da artırılacağını bildirib.
“Rəşt-Kaspian limanı arasında dəmir yolu xətti imkanından istifadə edə bilərik. Rəşt- Astara dəmir yolunun, eləcə də Astara-Astara dəmir yolunun tikintisini tezləşdirməklə ticarət mübadiləsinin həcmini daha da artıra bilərik”,- deyə Abbasi bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
