Səudiyyə Ərəbistanının rəhbərlik etdiyi ərəb koalisiyasının qüvvələri Yəməndə fəaliyyət göstərən “Ənsar Allah” (husilər) hərəkatının Səudiyyə Ərəbistanının Xamis-Muşait şəhəri istiqamətində atdığı iki ballistik raketi ələ keçirərək məhv edib.
APA xəbər verir ki, bu barədə alyansın rəsmi nümayəndəsi Türki əl-Maliki məlumat verib.
“Xamis-Muşait istiqamətində terrorçu husilər tərəfindən atılan iki ballistik raket ələ keçirilib və məhv edilib”, – əl-Maliki bildirib.
Qeyd edək ki, bundan öncə husilərin hərbi nümayəndəsi Yəhya Səriya qiyamçıların ər-Riyad Beynəlxalq Hava Limanını ballistik raketlə vurduğunu iddia edib. O, həmçinin Xamis-Muşaitdəki aviabazaya pilotsuz uçuş aparatı ilə birbaşa zərbə endirildiyini açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
