Asiya

Ana səhifə

Asiya

İndoneziyada zəlzələ nəticəsində ölənlərin sayı 47-yə çatıb - YENİLƏNİB-2

15 avqust 2026 20:24 (UTC +04:00)

İndoneziyada baş verən güclü zəlzələ nəticəsində 47 nəfər ölüb, iki nəfər ağır xəsarət alıb.

Xarici medianın məlumatına görə, təbii fəlakət nəticəsində 157 ev, 18 xəstəxana, 5 məktəb və 6 dövlət binasına ciddi ziyan dəyib. Təxminən 2 min nəfər təhlükəli ərazidən təxliyə olunub. Dağıntılar altında insanların qala biləcəyi bildirilir.

Maqnitudası 7,7 olan zəlzələ ölkənin şərqində yerləşən Flores adasında baş verib. Zəlzələdən sonra bölgədə 110-dan çox afterşok qeydə alınıb.

***
13:33

İndoneziyada baş verən zəlzələdə ölənlərin sayı 38 nəfərə çatıb.

Bu barədə BBC yerli rəsmi qurumlara istinadən xəbər yayıb.

***

10:35

İndoneziyada baş verən güclü zəlzələ nəticəsində ölənlərin sayı 20 nəfərə çatıb.

Bu barədə AFP məlumat yayıb.

***

08:38

İndoneziyada baş verən güclü zəlzələ nəticəsində ölənlərin sayı 5 nəfərə yüksəlib.

Bu barədə “Reuters” Şərqi Nusa-Tenqara əyalətinin qubernatoru Emanuel Melkiades Laka Lenaya istinadən məlumat yayıb.

Avropa-Aralıq dənizi Seysmoloji Mərkəzinin (EMSC) məlumatına görə, zəlzələ İndoneziyanın Flores adası yaxınlığında baş verib və 7,7 bal gücündə olub.

Daha əvvəl “Straits Times” qəzeti 2 nəfərin öldüyünü bildirmişdi.